اليوم موضوعنا عن المنقذ لكل بيت؛ لأن أفضل مكانس غسيل السجاد والكنب، حتى أصبحت ضروريه في كل مكان فيه أطفال او حيونات أليفه، او ببساطه اللي يبي السجاد وموكيت نظيف وريحته تفتح النفس دايم. بالاضافه كمان ان ما نبغى قروشه المغاسل كل كم شهر حط وشيل. عشان كذا صارت قطعة اساسيه توفر عليك كاش ووقت. حرصت الأنواع اللي أرشحها لكم تكون متوفره في المواقع او المتاجر المحليه. يعني اللي ماله خلق يروح السوق ويشوفها يطلبها اونلاين. اشهر 3 أنواع متوفره عندنا واختصرت لكم مميزاتها وعيوبها، عشان تختارون اللي يناسبكم.
أفضل مكانس غسيل السجاد والكنب في السعودية 2026
بيسيل بروهيت 2X ريفلوشن (Bissell ProHeat 2X Revolution)
اولاً، حقت كرف من الاخر سواء غسيل، سجاد بالاضافه إلى الموكيت يعني استخدام لكامل البيت، لهذا السبب هي ملكه تنظيف السجاد، ايضا فيها خزانين مفصوله، (مويه نظيفة و مويه غير نظيفة)، بالإضافة انها تجفف السجاد بسرررررعه، لكن من عيوبها حجمها كبير وثقيله في الحركه، وتأخذك مساحة بالتخزين.
بيسيل سبوت كلين برو (Bissell SpotClean Pro)
غسيل بقع محمول للكنب والمراتب والسيارة، اهم ميزه فيها حجمها صغير، رهيبه للبقع المفاجئة (شاهي و قهوة وشكولاته) على الكنب او السجاد، بالنسبه لعيوبها ماتصلح لتنظيف، وغسيل الصاله او غرفة كاملة لانك بتمشي عليها على ركبك!
هوڤر سمارت واش (Hoover SmartWash)
غسيل سجاد أوتوماتيكي بالكامل، ذكية جدا تدفع الموية والأكبر وانت تمشي قدام، وتجفف وتشفط وانت ترجع على ورى (للخلف)، بالإضافة إلى أنها سهله الاستخدام، لكن من عيوبها استهلاكها لشامبو عالي شوي مقارنة بيسيل.
زبدة الكلام كيف توفرون وتختارون أفضل مكانس غسيل سجاد و موكيت؟؟
إذا تبون مكنسه لبقع الحوادث، اليومية والكنب والسيارة خياركم الاولى ، هو بيسيل سبوت كلين برو، ايضا بتغنيكم عن محلات تلميع السيارات ومغاسل الكنب، وتفك أزمة سريعه.
لكن لو بيتكم كله سجاد وموكيت، وتبون تنظيف عميق للغرف كامله. الأفضل بيسيل بروهيت 2X ريفلوشن او هوڤر سمارت واش، صح سعرها غالي فوق 1000 ريال وطالع. لكن تعتبر استثمار حقيقي، وبتعيش معاكم سنين ويوفر عليكم حوسه المغاسل.
اما لو تبغون تجربه غسيل سهله بدون لحسه مخ وزحمه أزرار. خياركم هوڤر سمارت واش، خصوصاً لأنها تغسل وتجفف تلقائياً حسب حركتكم.
اخيرا نصيحه حتى تحافظون على عمر الجهاز. انتبه من الشامبو او صابون الملابس او فيري اي نوع نهائي، لا تستخدموها مع المكانس حقت السجاد والموكيت، لانها راح تخرب الماطور وتضرب المكنسه عليكم.
بسبب كثافه الرغوة، دايم استخدموا الشامبو الخاص بالمكانس، يجي سائل وما يطلع رغوة كثيره.
