اهلاً اهلاً بعطيكم تجربتي أفضل طابعة منزلية لطلاب بعد التجربه مدة سنة تقريبا، استخدمت طابعة كانون بيكسما تانك. طبعا اخذتها وقت العروض في ترنديول كان تقريبا سعرها ٤٣٠ ريال سعودي. كيف أخذت هذا السعر طبعا كان لووووقطه ما يتفوت، سويت حساب جديد واخذت كل الأكواد الممكنه وشريتها.
كانت عندي طابعة نفاثه عادي اللي نشتري الحبر ونركبها ماتاخذ شهر، رميت هذي الطابعة لان حبرها يكلف مع ان سعرها رخيص. لكن الواحد يشتري طابعه غاليه تانك اهم شي يعني نعبي الحبر، بالمقابل سعر حبرها ارخص وتطول.
أفضل طابعة منزلية لطلاب بعد التجربه
وش الأسباب اللي خلتني أمدحها بكل صدق ووضوح اولاً الحبر يطول مررررره تقريبا تطبع اسود ٦٠٠٠ ورقه وملون أظن ٥٠٠٠ تقريبا. هي تكون أصلا مذكوره في موصفات المنتج. وثاني سبب ارتحت من الأسلاك اطبع من. الجوال أو الايباد وأنا جالسه.
لكن الزين مايكمل
بتقولون ليش في عيب وحيد صراحه انه المفروض بمجرد ما يخلص الحبر أو يوصل الربع نعبي الأحبار، بتقولون ليش وش فيه؟ لان لو ما طبعتوا فتره راح يدخل هوى في لايات الحبر وتضطرون تسون تنضيف داخلي وهذا الشي يخسركم حبر. تقريبا ربع الكميه تروح أنا جرّبتها وما كنت اعرف. وبسببها راح نص الحبر جرّبتها مرتين 🥹، وجلس الحبر معاي تقريبا ٩ شهور.
لكن الحبر رخيص حقها ويطول أخذته من أمازون، لكن نصيحه مهمه اذا بتطولون ما تستخدمون الطابعه أفضل لو تشغلونها أسبوعي حتى الحبر ما ينشف ويدخل هوى. وتضطرون تنضفونها. بالتالي يروح عليكم الحبر، في طريقة شفتها بس ما جرّبتها. ان تأخذون الابره (السرنجة) من الصيدليه وتشيلون الدبوس اللي فيها تشفطون الهوى من أسلاك الحبر.
طابعتي نفس هذي متوفره في أمازون رحت أشوف ترنديول، ماحصلتها اضغط هنا لفتح الطابعه في أمازون.
في شي نسيت اذكره أشوف كثير يسبونها لكن أنا نقلت تجربتي فقط في طباعة الأوراق. وطلبات المدارس اللي ما تخلص من مشاريع وواجبات. لكن مستقبلا أفكر اطبع فيها استيكرات، احتاج اشتري الأوراق من شي ان . وصح تطبع كمان صور لكن لازم اوراقها الخاصه حقت الصور. هي لها مميزات كثيره.
لكن نصيحه اخيره قبل الشراء تأكد وشوف وش احتياجك إذا للمدارس وطلباتها أنصحكم تفك ازمه، وأخيره اماً بالنسبه للحبر افضل تأخذون الأصلي من شركة كانون حتى ما تخبر مستقبلا عليكم. أنا أخذت الحبر من امازون.
تعقيب: أفضل داش كام للسيارة وتصوير ثلاثي خارق