إذا كنت تفكر تركب كاميرات المراقبة للبيت كهرباء أو طاقة شمسية، هذا اول سوال بيخليك تحتار. و الخيارات صارت كثيرة، وكل واحد يقول لك نوعه أفضل.
لكن صدقاً الموضوع أبسط من كذا. قبل كل شي فكر اول شي وين المكان اللي بتركب فيه، هل فيه كهرباء او لا . بعدين هل تحتاج الكاميرا تسجل طول الوقت.
خلونا نبدأ كاميرات المراقبة للبيت اللي تعمل بالكهرباء.
. فكرة هذا الموديل انها تشتغل بالكهرباء، هذي من الأشياء المريحه او تبغى الكاميرا شغاله 24 ساعة. طبعًا لازم تتأكد أن الموديل نفسه يدعم التسجيل المستمر، لأن المواصفات تختلف من كاميرا للثانية.
لكن المشكله تظهر لو ان مصدر الكهرباء بعيد، تحتاج تسليم وشغل ووجع راس وبعض الناس ما يشوفها مشكلة. وفيه شركات كثيرة عندها هذا النوع من الكاميرات، مثل Eufy وXiaomi وRing، لكن لا تعتمد على اسم الشركة فقط. شوف مواصفات الموديل نفسه، لأن كل كاميرا ممكن تختلف عن الثانية في طريقة التسجيل والدقة والتخزين وغيرها.
طيب والكاميرات اللي تعمل بالطاقة الشمسية؟
هذي صارت منتشرة أكثر من قبل، وفكرتها مناسبة جدًا للأماكن الخارجية. الكاميرا يكون معها بطارية، ومعها لوح شمسي يشحن البطارية خلال النهار. وبالتالي ما تحتاج تمد لها كهرباء من البيت.
وهذا الشيء يفيدك إذا كنت مثلًا تبي كاميرا على سور الحوش، أو عند بوابة بعيدة، أو في مستودع خارجي. تختار المكان اللي يناسبك بدل ما يكون اختيارك مربوط بمكان وجود الكهرباء.
ميزة الكاميرا الشمسية
وهنا تحديدًا أشوف أن ميزة الكاميرا الشمسية واضحة. ما عندك سلك طويل تحاول تخفيه، وما تحتاج تبحث عن أقرب فيش. المهم فقط أنك تختار مكان مناسب للكاميرا واللوح الشمسي.
لكن فيه نقطة كثير ممكن ما ينتبهون لها.
مو كل كاميرا شمسية معناها أنها تسجل 24 ساعة.
بعض الكاميرات تعمل بطريقة مختلفة؛ تكون في وضع توفير للطاقة، وإذا اكتشفت حركة تبدأ التسجيل. يعني إذا مر شخص أو سيارة أمامها، تبدأ تصور.
وهذا النظام له سبب، وهو المحافظة على البطارية وعدم استهلاكها بسرعة. لذلك إذا كنت من الأشخاص اللي يهمهم التسجيل طوال اليوم، لا تشتري الكاميرا لمجرد أنها “شمسية”. اقرأ المواصفات أولًا وتأكد من طريقة التسجيل اللي تدعمها.
ومن الشركات الموجودة في هذا المجال Eufy وReolink وEzviz، لكن مرة ثانية، الموديل نفسه أهم من اسم الشركة، لأن المواصفات تختلف.
طيب أنا وش أختار؟
كاميرات المراقبة للبيت كهرباء أو طاقة شمسية؟
لو الكاميرا داخل البيت، مثل الصالة أو المطبخ، ما أشوف أن فيه حاجة للطاقة الشمسية أصلًا. الكهرباء موجودة، ووصل الكاميرا وانتهينا.
إذا كانت الكاميرا خارج البيت وعندك فيش قريب، فالكهرباء ممكن تكون خيارًا مناسبًا أيضًا، خصوصًا إذا كنت مهتم بالتسجيل المستمر.
أما إذا كان المكان بعيد وما فيه كهرباء، فهنا الكاميرا الشمسية تكون حلًا مريحًا، وخصوصًا للحوش والأسوار والمستودعات والأماكن الخارجية بشكل عام.
وفي حالة اخترت الكاميرا الشمسية، انتبه لمكان اللوح. لا تركبه في مكان مظلل وتتوقع أنه بيشحن بشكل ممتاز. حاول تخليه في مكان توصلة الشمس فترة مناسبة خلال اليوم، ونظفه من الغبار بين فترة وفترة. واللوح بالنهاية يحتاج ضوء الشمس يوصل له بشكل جيد.
وفي النهاية، ما يحتاج الواحد يحتار كثير بين النوعين.
شوف المكان أولًا.
إذا الكهرباء متوفرة والتسجيل المستمر مهم بالنسبة لك، فالكهرباء مناسبة لك. وإذا المكان بعيد عن الكهرباء وتبي تتخلص من موضوع التمديدات، إذاً الطاقة الشمسية مناسبه لك.
اهم شي أنك ما تشتري كاميرا بمواصفات ما تحتاجها وبعدين تندم.
ارشح لكم هذا النوع من علي اكسبرس
https://a.aliexpress.com/_c4CKsCYH
وهذا نوع آخر لكن بالطاقة الشمسية
تعقيب: أفضل طابعة منزلية لطلاب