وش مكينة القهوة اللي تناسبك؟ يا هلا والله بعشاق الكافيين والاستكنان ☕✨
هاه تدرون عاد؟ إن من كثر السوالف اللي تسمعها هاليومين، صار موضوع مكائن القهوة هو الطقس اليومي اللي مستحيل الصباح يبدأ بدونه. الناس كلها صايرة تبي تحول زاوية بالمطبخ كوفي شوب مصغر! والأهم من هذا كله عشان يفتكون من المبالغ الخيالية اللي تروح يومياً على الكافيهات برا.
و عشان ما تضيعون بالموديلات والأنواع، بكتب لكم الخلاصة على البلاطة وبدون أي روابط تسويقية تلعوزكم.
وش مكينة القهوة اللي تناسبك؟
اول نوع مكائن الكبسولات زي نسبريسو ودولتشي غوستو:
لو تبغين ملكة السرعة والراحة عندك تحطين الكبسولة وتطقين الزر وخلال ثواني قهوتك جاهزة وبدون حوسة ولا تنظيف وراك. لكن عيبها الوحيد سعر الكبسولات على المدى الطويل غالية، وأن طعمها صح حلو بس ما يقارن بالقهوة الطازجة المطحونة.
مكائن الإسبريسو اليدوية وشبه الأوتوماتيكية
ثاني نوع مكائن الإسبريسو اليدوية وشبه الأوتوماتيكية زي بريفيل وديلونجي:
لو حابة تدخلين عالم الباريستا الحقيقي والطقوس اللي تروق، هذي تعطيك طعم احترافي مية بالمية وتتحكمين بكل صغيرة وكبيرة ، ايضاً ترى تبي طولة بال وتعليم على الوزنية وتغسيل وتنظيف بعد كل استخدام.
مكينة القهوة السوبر أوتوماتيك زي فيليبس وجورا:
لو ميزانيتك مفتوحة وتبغين باريستا متكامل يشتغل بضغطة زر، فعندك هذي تجمع لك طعم الحبوب الطازجة مع سهولة الكبسولات. لأنه فيها مطحنة وخزان حليب وتطحن وتكبس وتبخر لحالها، بس عيبها غالية بالحيل وقطعتها الداخلية معقدة وتبي عناية دورية عشان ما يعفن الحليب.
مكينة القهوة بلاك أند ديكر وموكاماستر:
إذا كان جوّك هو القهوة السوداء الطويلة والأمريكية ، فهذي الخيار الأول والأبدي للعوائل والمكاتب؛ وذالك لأنها تسوي جك كامل دفعة واحدة. بالإضافة إلى أن سعرها رخيص واقتصادي، بس انها ما تسوي إسبريسو ولا تبخر حليب.
أخيراً إذا وقتك ضيق وتبي قهوة سريعة بدون حوسة ومستعده تدفعين حق الكبسولات فاختاري الكبسولات، وإذا أنتِ راعية كيف وتبي طعم احترافي ومستعدة تتعلمين وتوزنين فاختاري الشبه أوتوماتيك. وفي حال كانت ميزانيتك مفتوحة وتبين أعلى جودة بحبوب طازجة وبضغطة زر فاختاري السوبر أوتوماتيك. وإذا جوّك قهوة سوداء سادة تكفيك طول اليوم فالمقطرة العادية هي خيارك الصح.
تنبية: بس تكفون انتبهوا من مصيدة مكائن القهوة؛ لأن أكبر بلاء يخرب المكائن ويسد المواصير ويضعف ضغط الموية هو تكلسات الأملاح. إياكم ثم إياكم تعبون خزان الموية من الحنفية مباشرة، دايم استخدموا موية فلتر أو موية صحة قليلة الأملاح.
بالاضافه لذالك ايضا، احرصوا كل شهرين او ثلاثة تسوون دورة تنظيف بمادة إزالة التكلسات الخاصةعشان تعيش معكم العمر كله وتظل قهوتكم بنفس الطعم اللذيذ. أنتم من عشاق القهوة السوداء الطويلة ولا الإسبريسو والحليب؟
تعقيب: كاميرات المراقبة كهرباء أو شمسية