افضل مكانس العصا اللاسلكية

افضل مكانس العصا اللاسلكية، تدرون عاد؟ فيه قطعة وحدة دخلت بيوتنا هالفترة و بالاضافة لذالك، ايضا غيرت مفهوم التنظيف اليومي وصارت ترند. اللي هي مكانس العصا اللاسلكية والكهربائية. والسبب ببساطة سحبت البساط من 

 رجول المكانس البرميلية القديمة الثقيلة اللي تكسر الظهر وتجيب الهم والغم من شكلها. 

و ايضا من مميزتها  انها  خفيفة وسهلة بالحركة وتخليك تخلصين البيت كله وأنتِ واقفة، وبدون حوسة أسلاك تلف وراك بكل زاوية وتبلش الواحد. جمعت لكم الأفضل الموجود في السوق، و بدون روابط ولا خرابيط تسويقية. 

إذا تبغين تدفعين وتأخذين شي فخم يعطيك شفط مجنون وشاشة ذكية وليزر أخضر يكشف لك الأوساخ المخفية.

مكانس العصا اللاسلكية دايسون او سامسونج:

اللي تعتبر الملكة والبراند الأول بدون منازع، ومعها سامسونج اللي تتميز ببعض موديلاتها. اللي تجي بقاعدة تفريغ ذاتي يعني المكنسة بروحها تنظف وتفرغ لحالها بدون ما تلمس يدك غبار ولا تكتم صدرك.

أما لو تبغين أداء ممتاز وقريب من الكبار بس بنصف السعر تقريباً.

تعتبر من المكانس ال ( شاومي او يوفي)

شاومي اللي تعتبر الحصان الأسود بالأجهزة المنزلية، مكانسهم تصميمها يفتح النفس وخفيف. أيضاً طاريتها ممتازة ومعها رؤوس لكل زاوية وكنب وتؤدي الغرض وزيادة. وعندك برضه يوفي المعروفة بهدوئها وعمليتها. خفيفة بشكل مريح وتدخل تحت الكنب والأسرة بكل بساطة وضمانهم بالسوق المحلي ممتاز. 

في حال كنتِ تدورين على شي خفيف للمطبخ وسجاد الممرات أو غرفتك الخاصة وما لك خلق تدفعين مبالغ عالية.

مالك إلا  بلاك أند ديكر أو هوفر، وتلاقين عندهم موديلات سلكية أو لاسلكية بأسعار معقولة جداً.

باختصار شديد، لو بيتك كله سجاد ثقيل وعندك أطفال وحوسة أو حيوانات أليفة. وتحتاجين مكنسة أساسية تغنيك عن المكنسة الكبيرة. اختاري دايسون أو سامسونج. 

ولو بيتك مكس ما  بين سيراميك وقطع سجاد خفيفة وتدورين على شي ذكي وخفيف، و يشيل شعر وفتات اليوم وبميزانية منطقية فخذي شاومي أو يوفي. 

أما لو ما تحبين سالفة إن البطارية تخلص عليك بنص الشغل، وتبغين شي كرف ورخيص وجاهز. و يشتغل معك بأي وقت فالأنواع السلكية الاقتصادية هي خيارك الصح.

مصيدة بطاريات مكانس العصا

بس انتبهي من . لأنها أكثر شي يشتكون منه الناس إن البطارية تخرب، أو يقل عمرها بعد سنة. وتضطرين تشتري وحدة ثانية بمحلات الصيانة بمبلغ وقدرة. 

اللي هو لا ثم لا تستخدمين نمط الشفط الأقصى طوال الوقت ال(Turbo). والسبب لأنها تسحب  طاقة مهولة وترتفع حرارة البطارية، إذا مره بتستخدمينه خليه بس للبقع المستعصية أو السجاد الثقيل. والأهم من كذا لا تشحنينها وهي حارة أبداً انتبهي لهذه النقطة.

بعد ما تخلصين كنس وتفضى المكنسة لا تحطينها بالشاحن على طول، لا لا اصبري ربع ساعة تبرد تماماً بعدين ارفعيها على الشاحن. والسبب إن هالحركة البسيطة لحالها تدبل عمر البطارية معك شهور طويلة.

شاركوني بالتعليقات ووش الأهم عندك بمكنسة العصا ، او ام برميل؟