أفضل غسالات المواعين في السعودية

غسالات المواعين في السعودية هي صديق المطبخ والمنقذ الرسمي بعد كسبة الغداء وعزايم الويكند. إذا كنتي تعبتي من وقفة المجلى، او محتاره وش تشترين وتبين جهاز يفك أزمة، بدون ما يطير المزانية إذاً أنتي في المكان الصح.

بكتب لكم خلاصه السوق السعودي المنتشرة فيه أنواع الغسالات وبدون روابط مباشرة، لذالك رتبت لكم غسالات المواعين في 3 مستويات ( أفضل الأنواع والفئة الاقتصادية والأرخص تكلفه) مع نصيحه ذهبية عن أفضل نوع صابون.

مستويات غسالات المواعين في السوق ( حسب ميزانيك)

أولاً أفضلها وأقواها جوده

هنا نتكلم عن كبار السوق الألماني والعالمي، أجهزه تشتريها وتنسى خرابها لعشر سنوات قدام.

براند بوش (Bosch):

الملك في سوق غسالات الصحون. تتميز بأنها الأقوى في الهدوء المهول، وتوزيع الموية الذكي.

ونظام التجفيف الفائق( خصوصا الموديلات اللي فيها تقنية الزيوليت اللي تطلع البلاستك ناشف تماماً). تنظيفها عميق وتتحمل كرف مهول. 

براند ال جي (LG):

خيار فخم وذكي جذاً، تتميز بتقنية الغسيل بالبخار (TrueSteam). وبعبارة أصح تذوب الدهون المستعصية بدون ما تحتاج تفرك النوعين قبل تدخلها، وفوقها تقدر تربطها بالواي فاي وتتحكم بجوالك.

الفئة الاقتصادية (قيمة أفضل مقابل سعر)

‏هنا الموازنة الذكية؛ مواصفات ممتازة، جودة يعتمد عليها، وسعر ما يوجع المحفظة.

‏براند بيكو (Beko):

الحصان الأسود في السوق السعودي. براند تركي اثبت كفاءة عالية؛ بالإضافة لذالك أسعارها ممتازة برامجها متنوعة(فيها غسيل سريع ونظيف) توفر المويا والكهرباء بشكل ممتاز مقارنة بسعرها.

‏براند ميديا(Midea):

خيار اقتصادي قوي وجدا منتشر، ميزتها ان قطع غيارها متوفرة كل مكان، بالمقابل تجي بتصاميم وسيعة من الداخل تقسيمات مرنة تشيل القدور الكبيرة بالراحة.

‏الفئة الأرخص(اقل سعر شراء)

أرخص غسالات المواعين في السوق

‏براندات الصينية والاقتصادية (مثل كاندي Candy او نيكاي Nikai):

هالماركات تنزل بأسعار تنافسية جدا وتفك أزمة. أيضاً تغسل و تنظف بشكل حليّو، بالمقابل عيبها أن صوتها يكون عالي شوي أثناء التشغيل، وتجفيفها للمواعين مو 100% ( باختصار ممكن تفتحين الغسالة وتلقين بقايا قطرات موية على الصحون) وتحتاج مداراه بالاستخدام. 

لذالك ‏نصيحة مدونتنا الأخيرة:

وش أفضل نوع صابون مناسب غسالات المواعين في السعودية ؟ بودرة أو سائل أو جل؟

‏مصيدة غسالات المواعين اللي تسبب شهابة الصحون، بمعنى آخر تطلعها مغبشة هي اختيار نوع الصابون الغلط خذوها قاعدة.

‏الأفضل للتنظيف العميق:

على سبيل المثال المكعبات أو الأقراص التي تجمع الكل في واحد. صابون و ملمع وملح في كبسولة واحدة لكن سعرها غالي. 

‏البودرة: 

خيار اقتصادي وممتاز لتحكم بالكمية.

بالتحديد إذا غسلتك خفيفه وتحطين نتفه واذا كثيره المراعين تزيدين الكمية. تنضيفها زين لكن لازم تشترين معها ملمع وملح منفصلين وتحطينهم في مكانهم الخاص بالغساله عشان ما تطلع المواعين مشهبة او معبسة. 

الحل او السائل:

ميزتة يذوب بسرعة بالموية وماينزل اثر او بقايا بيضاء على الصحون الزجاجيه، لذالك هو ممتاز جدا للغسلات السريعه

او المواعين اللي مافيها دهون كثيره. لكن في المواعين شديدة الاتساخ ما يعطي قوة نظافة البودرة او الأقراص. 

اخيراً زبدة الكلام: 

للكرف اليومي والدهون خليك على الأقراص او البودرة مع استخدام الملمع والملح بانتظام، بالنسبة للغسلات السريعة والخفيفه حقت الأكواب والزجاج الجل بيكون خيار ناعم وخفيف.